25 наурыздан бастап кейбір ұялы телефондар бұғатталады
ІІМ бұл өзгерістер ұялы телефон ұрлығын және алаяқтықты азайтуға әсер ететінін мәлімдеді
Смартфондар IMEI-код арқылы тексеріледі. Егер құрылғы “қара тізімде” болса, ол жұмысын тоқтатады, яғни байланыс, интернет және басқа да мобильді қызметтер істен шығады.
ІІМ тек ресми сатушылар мен сенімді дүкендерден смартфон сатып алуға кеңес береді. Бұл жалған IMEI-коды бар құрылғыны алып қою тәуекелін азайтады.
Сатып алмас бұрын IMEI-кодты тексеру маңызды. 24 наурыздан бастап арнайы сервис іске қосылады, оған IMEI-кодты енгізу арқылы құрылғының заңдылығын тексеруге болады.
Смартфонды қолдан немесе күмәнді сайттардан сатып алмау қажет. Мұндай құрылғылар заңсыз жолмен әкелінуі мүмкін, сондықтан бұғатталу қаупі жоғары.
Бұрын сатып алынған смартфондарға бұл қалай әсер етеді?
Егер сіз 2025 жылдың 24 наурызына дейін сатып алынған және тіркелген смартфонды қолдансаңыз, алаңдаудың қажеті жоқ – ол қалыпты жұмыс істей береді.
Бұл шара заңсыз әкелінген смартфондармен күресуді, тұтынушылардың құқықтарын қорғауды және мобильді құрылғыларды қауіпсіз пайдалануды қамтамасыз етуді көздейді.
ІІМ бұл өзгерістер ұялы телефон ұрлығын және алаяқтықты азайтуға әсер ететінін мәлімдеді.
2024 жылдың басынан бері Қазақстанда 474 телефон ұрлығы тіркелген – бұл былтырғы кезеңмен салыстырғанда 38,4%-ға төмен. 2023 жылы 770 телефон ұрлығы тіркелген. Құқық қорғау органдарының айтуынша, осындай қылмыстардың азаюына профилактикалық жұмыстар мен ұрланған құрылғыларды тез анықтау шаралары әсер еткен.
istockphoto.com
https://turkystan.kz/article/256939-25-nauryzdan-bastap-keibir-uialy-telefondar-bug-attalady
Сіздің реакцияңыз қандай?
